Nagpatapod hi National Bureau of Investigation (NBI) Director Melvin Matibag nga maatender hiya ha impeachment hearing han House Justice Committee kontra kan Vice President Sara Duterte nga nakatalaan ha Abril 14.
Syahan nga gin imbitahan han komite an nasabi nga opisyal, ngan pag-iha in ginpa-subpoena gihapon an mga rekord han imbestigasyon kasumpay ha mga panarhog ni VP Sara kontra kanda Presidente Ferdinand Marcos Jr., First Lady Liza Araneta-Marcos, ngan anay house Speaker Martin Romualdez.
Sumala kan Matibang, andam hiya nga igsalawad ha House Committee on Justice an ngatanan han dokumento nga gin aaro, kalakip an certified thru copies han mga rekord han imbestigasyon.
Basar ha nauna nga report han NBI, gin rekomenda han ahensya ha Department of Justice nga kasuhan hi VP Sara hin grave threats ngan inciting to sedition.
An imbestigasyon in gintikangan dida han pagmamangulo hi anay Judge Jaime Santiago kumo NBI chief, ugsa sumaliwan hi Matibag.
Labot kan Matibag, lima nga iba pa an ginpapahayg nga iginpatawag han House panel agud kuhaan hin pahayag.
Kaupod dinhi an usa ha defense counsel ni VP Sara nga hi Atty. Michael Poa.
