NAVAL, BILIRAN – Malinampuson nga gindumara han Naval Municipal Police Station an orientation ngan Covenant Signing han PEACE Biliran Project dida han nakalabay nga Setyembre 13 nga ginbuhat ha Naval. Biliran.
An nasabi nga aktibidad in ginpartisiparan han 10 ka-barangay han Naval sugad hiton Atipolo, Anislagan, Borac, Caraycaray, Cabungaan, Catmon, Haguikhikan, Libtong, San Pablo ngan Villa Caneja kun diin, gin atenderan ini han mga opisyales han mga barangay, tanod, ngan mga health workers.
Sumala kan Naval Municipal Station, Chief of Police, PMaj. Chamberline Ludevise nga an panuyuan han nasabi nga proyekto in agud mapakusog iton pag-pugong hiton krimen ngan iton sakto nga pangita ngan pagkuha hiton notisya ngan an sakto nga pagpapasamwak hin impormasyon ha komunidad.
Ini gihapon nga aktibidad in kolaborasyon han mga kapulisan, lokal nga opisyales, ngan molupyo agud mapabilin iton katalwasan ngan seguridad, pinaagi hiton ira pagbulig ngan commitment ha nasabi nga proyekto.
Dugang naman han opisyal nga an proyekto in nagpapakita hiton pagkaurusa han mga molupyo han Naval agud mga mapabilin iton ira bungto nga insurgency-free ngan sugad man magin usa ha mga tawlas nga probinsiya ha bug-os nga nasud.
