TACLOBAN CITY – “This inspires confidence, certainty, and strength”, ine in sumala kan Atty. Norman Sabdao, Municipal Mayor hiton San Miguel, Leyte kasumpay han nagin SONA han Presidente kakulop nga iya naman personal nga gin atenderan.
Sumala pa hine, an ginbuhian nga mga pulong han Presidente in mahitungod han iya hingyap nga bag-o nga Pilipinas ha ilarom hiton administrasyon han Presidente.
Usa naman daw ha mga iginlatag han Presidente in an economic indicators nga nag-uuswag ha kabutangan han Pilipinas.
Kun diin, sumala daw hiton Presidente in waray daw ine gamit kun dire ine maabat han mga Pilipino pinaagi hiton pagpaubos hiton presyo han mga basic commodities labi na han presyo han bugas.
Dugang pa ni Sabdao, ada ha insakto nga direksyon an administrasyon ni PBBM mahitungod nga dida han paglingkod hine, an food inflation in nakada ha 6.7% pero yana in ada nala ine ha 4.7%, karuyag sidngon in mayda daw kaupayan nga nahitatabo ha kaluyo han hitaas nga presyo han mga papliton kun diin nahitaas iton balor han peso kumpara ha mga ginpapalit nga mga commodities.
Kun diin, mahitungod daw ine ha paningkamot han Presidente kun diin gin gagamit na hine an ngatanan nga mekanismo han gobyerno para mapa-ubos an presyo han mga papliton labi na han bugas.
