TACLOBAN CITY – Ginhihingita ngatanan nga anggulo han mga Kapulisan ha rehiyon otso bahin han pagpusila-patay han Engineer ngan Municipal Planning Officer han Jiabong,Samar.
Ini an ginpahayag ni Police Regional Office 8 Spokesperson Ma Bella Rentuaya, subay han pakipaghimangraw han Bombo Radyo Tacloban.
Sumala pa kan Rentuaya, nga ha pagkayana in padayun an pursuit operation ala kontra ha mga Suspetsado.
Nabaruan nga kakulop in ginpusil patay ha mismo panimalay hini an biktima nga hi Dan Daradal, 40 taong gulang.
Subay ha report nga samtang nakaturog ini in ginsulod an ira panimalay hin naabot 4 nga mga kalalakin-an.
Nag-angkon hin 7 nga igo ha iba iba nga parte han lawas an biktima ngan nagresulta han dayon nga kamatayon hini.
Nahibaruan nga hi Engineer Daradal in nauna na nga sumurrender ha mga otoridad tungod ha Iligal nga droga.
