TACLOBAN CITY – Target han Tacloban City Hospital nga makapagdumara hin mobile vaccination para ha mga residente han syudad nga bed ridden na.
Sumala kan Dra. Joedina Gumagay, chief of hospital han Tacloban City Hospital, ha pagkayana in damo an ira nakakarawat nga mga request nga magdumara hin mobile vaccination para ha mga bed ridden ha syudad nga dire na nakakaakos pagkadto ha mga vaccination sites para magbakuna kontra COVID-19.
Dugang pa hini nga gintatagan gihapon nira hin prayoridad an mga ini tungod nga 100% an target population han syudad nga mabakunahan kontra COVID-19 agud nga makab-ot an herd immunity.
Gintatalinguha naman han Tacloban City hospital nga mabaton an mao nga request ngan makagdumara hin mobile vaccination para ha mga bed ridden kun magkaada na hira hin kadugangan nga mga vaccinators.
