TACLOBAN CITY – Patay an usa nga miyembro han Magbutay Gang, mahuman ine nga umato ha gindumara nga entrapment operation han kapulisan ha Sitio Tigbe, Brgy. Capoocan Calbayog City.
Ginkilala an suspek kan alayas “Jan-Jan” ngan residente han Brgy. Hamorawon han nasabi nga syudad.
Sumala kan PLT.COL. J-Rale Paalisbo, Chief of Police Calbayog Municipal Police Station, madugay na nira ginmaman-manan an nasabi nga suspek ha ilegal hine nga mga buruhaton, sugad han pagbabaligya hiton pusil ngan pira pa nga mga ilegal nga buruhaton.
Ha mao nga entrapment, nahibaro an suspek nga an iya ginbabalig-yaan in usa nga pulis, kun diin gingamit hine an iya igbabaligya nga pusil, kontra ha mga otoridad.
Nakuha naman ha crime scene an Calibre 45, nga pistola hiton pusil.
Gintutuohan naman han mga otoridad, nga ine nga Magbutay Gang, an gin-aalegar nga nagpapaluyo han pira nga mga panmusil ha Calbayog City.
