-- Advertisements --
INTERNATIONAL – Nabalabgan han Israeli Air Force an tulo nga missiles nga iginlunsar han Houthi rebels ha Yemen ngan Gaza.
Ginpatunog naman an sirens ngan utro nagpadara hin mensahe an mga otoridad han Israel ha mga residente kumo pahimatngon ha ti-arabot nga pag-atake ngan magtago ha mga bomb shelters.
Lakip ha mga lugar nga natagan hin pahimatngon in an holy land han Jerusalem, Ben Gurion Airport, Modiin, Rishon Lezion, ngan pira nga parte han West Bank.
Ha kaluyo han mga pag-atake, waray nahipatik nga samaran o danyos ha Israel nga durot han mga missile attack mahitungod nga napugngan nira ini.
Samtang, gin-angkon naman han Houthis nga hira an nagpapaluyo ha pag-atake ngan iginpahayag nga target nira an airport han Israel.
