TACLOBAN CITY– Nakatalaan nga pagdumaraon buwas nga adlaw an Miss Pintados 2026 ha Leyte Convention Palo Leyte.
Sumala kan Eugene Tan Regional Governor, Philippine Chamber of Commerce and Industry, tatambungan an nasabi nga prestihiyuso nga paisan-isan ni Boy Abunda, ngan pira nga mga personalidad, kun diin gin-aaghat naman niya an publiko nga magkita ngan pumalit hin ticket.
Ha lain nga bahin, dire magkakamayda hin pasundayag han Pintados Fesrtival yana nga tuig, tungod nga ginpupukusan nira an ika-40 nga anibersaryo han Pintados Festival.
Pag-esplikar hine, dako mangud an naigagawas nga pondo kun nagkakamayda hin pasundayag, sanglit nga napagkasaragbutan nira nga yana nga tuig in ira preperasyon para ha anibersaryo.
Samtang, igpapadayon naman ha maabot nga Hunyo 24-26 an Sto.Nino exhibit ha usa nga mall nga nahihimutang ha Marasbaras Ta cloban, ngan pag-abot naman hiton ika-28 han Hunyo in magkakamayda gihapon hira hin Pet Show kun diin tatagan hin higayon adton mga pet lover nga igparayaw an ira mga alaga nga hayop.
