-- Advertisements --
TACLOBAN CITY- Patay an usa nga misis mahuman nga uminom hin pesticide ha sulod mismo han usa nga simbahan ha probinsya han Leyte.
Guinkilala an biktima nga hi Aurelia Pole Lamo, 57 anyos an pangidaron, kasal ngan residente han Sitio Cantiga, Brgy. San Roque, Hilongos, Leyte.
Basi ha inisyal nga imbestigasyon han mga otoridad nga guinkompronta an biktima han mister hini nga hi Mario ngan anak nga hi Noel may kalabutan han guinkakaatubang hini nga kaso nga guinpasaka ni Mr. Alejandro Lelis.
Nahibaruan nga ha sulod han simbahan guin inom han biktima an Furadan 3G ngan Wave Pest Insecticide nga nagresulta han dayon nga kamatayon hini.
Samtang, padayon pa nga guin lalamayan ha usa nga punerarya an patay nga lawas han biktima.
