TACLOBAN CITY –Gin eestimar nga umabot ha 5,000 ka tawo an umatender ha gin buhat nga baraan nga misa ha DZR Airport Tarmac Tacloban City, kumo pakikiusa ha pagdumdom ngan pag ampo han nawara nga Santo Papa.
An aktibidad in gin tawag nga ‘Paghinumdom: A tribute of Gratitude’ nga pinangunahan ni Monsignor Ramon Agilos ngan han Vicariate of Tacloban.
Sumala ha aton pakikig himangraw ha duduha nga youth volunteers han San Jose Parish in igin paangbit hini nira nga ha pag bisita han Santo Papa napulo katuig na an nakakalabay in nag hatag ha ira hin paglaom nga mag padayon ha kaluyo han na eksperyensyahan han pag lasurbo han bagyong Yolanda dida han tuig 2013.
Dugang pa nira, an igin pakita nga pag higugma ni Pope Francis ha mga tawo han Tacloban labi na ha mga youth in naging instrumento agud mawara an ira mga truama ngan magbug-at nga gin aabat kumo mga bata napulo katuig na an nakakalabay.
An pag dalaw ni Pope Francis ha Tacloban, an nagduso ha mga kabatan-onan agud mas mapahilarom pa an relasyon ngan pagtuo ha ginoo ngan mag padayon pag serbi ha simbahan.
