-- Advertisements --
TACLOBAN CITY — Ginpahayag han Motor Cab for Hire (MCH) drivers ha siyudad han Tacloban nga pupuydi na an ngatanan nga mga tricycle nga magsukot hin 9 pesos nga pamasahe may matrix sticker man o waray.
Ini an nagin pagklaro ni Joseph Tangile, Presidente han MCH drivers ha Tacloban ha pakipaghimangraw han Bombo Radyo Tacloban.
Sumala ha iya nga bisan waray pa nakadukot nga bago nga fare matrix an usa nga tricycle obligado na an mga pasaheros nga sumunod ha 9 pesos nga pamasahe tungod ini in usa na nga ordinansa ngan hul-os na nga napapatuman.
Manunumduman nga pira nga mga pasaheros an nawuwurok ngan diri nasunod ha 9 pesos nga pamasahe kun an ira nasasakyan nga tricycle in waray fare matrix sticker.
