TACLOBAN CITY — Kinahanglan nga magsunod an ngatanan nga mga transport services nga kalakip ha libreng sakay ha rehiyon 8 ha nakatalaan nga schedule han pagbiyahe ha tagsa ruta, ini in subay ha Land Transportation Franchising and Regulatory Board (LTFRB) regional 8.
Sumala kan Veronica Reposar, OIC Chief TDO han LTFRB 8, limitado la an pagbiyahe ha kada-adlaw han kada unit nga mga sarakyan matungod limitado la an pondo nga gin-alotaga para han mga ini.
Ha kada-adlaw, an tagsa unit han nasabi nga mga sarakyan in mayda la pira ka-kilometro nga pwede igbiyahe sanglit kinahanglan han mga ini nga magsunod ha nakatalaan nga schedule.
Pag-isplikar pa han mao nga opisyal, nga kun an usa nga unit in harayo an ginbibiyahean in mas gutiay la an trip han mga ini kun igkukumpara naman ha mga unit nga harani la an biyahe.
Ha pagkayana, maabot na ha 500 nga mga units nga libreng sakay an nabiyahe ha bug-os nga rehiyon 8.
