TACLOBAN CITY – Nagmugna hin online show an Sanguniang Kabataan han CanRamos han Tanauan,Leyte para makaghatag hin donasyon ha mga apektado han Bagyong Rolly ngan Ullyses.
Sumala lan Hon.Nikko Cesar SK Chairman han CanRamos Tanauan,Leyte, nga nakipagpartner hira ha mga organisasyon ha Tanauan para makakuha hin mga donasyon ha ira mga igkasi taga-Tanauan.
Samtang pinaagi naman ha ira online show in igpapakita an ira Gcash account kun diin pwedi nga magdonar an mga nagkikita.
Dugang pa hine nga an ira matitirok nga kwarta in cash nga igpapadara ngadto ha Isabela ngan Camarines Sur pinaagi han pakikigkoordinate nira ha mga SK ha mao nga mga lugar.
Para naman daw ha transparency in naghangyo naman hira hin documentation ngadto ha mga SK ha lugar nga ira papadad-an hin bulig.
