-- Advertisements --
HEALTH – Kumo mga kag-anak, nadire kita nga nakikit-an nga nagkakasakit o nakukurian an mga bata o an aton mga anak. Masukot nga naaabat han mga kabataan an pagsakit han ira ulo. Kasagaran in dire naman ini sadang nga igkabaraka tungod nga posible nga tungod nga posible nga rason hini amo an pagkakauntog, kulang ha katurog o kulang ha pagkaon ngan tubig.
Posible nga mayda gihapon migraine an usa nga bata. Pero danay, posible nga nga mas grabe na nga problema an pagsasakit han ulo hini.
Adi mga kabombo, an mga butang nga dapat mo bantayan:
- Bantayan kun an sakit han ulo han bata in may kaupod nga hiranat ngan stiff neck. Dire nakakahangad ngan dire kaya nga igdikit an baba ha dughan ngan dire gihapon kaya nga tumangdo. Kun dire na ini naaakos han bata, dad-on ini ha ospital tungod nga posible nga ini in mayda meningitis.
- Grabe nga sakit han ulo nga dire nawawara bisan tumumar na hin medisina.
- Kun an sakit han ulo in may kaupod nga pagsusuka, bisan nga waray naman hiranat. Posible nga viral infection o posible nga nauntog hin makusog an bata ngan nagkakaada hin hitaas nga pressure ha utok
- Kun an sakit han ulo in may kaupod nga pagkapiraw, kakuri ha paglakat, ngan kakuri ha pagyakan o pag gius
- Kun an sakit han ulo in nagiging rason han pagkamata han bata ha gab-i samtang nakaturog. Kinahanglan nga dad-on ha doktor an mao nga bata.
- Kun an sakit han ulo in nagtitikagrabe kun nahigda an bata. Senyales ini nga nagtitikahitaas an pressure ha utok han bata ngan kinahanglan nga maeksamin dayon hin doktor.
- Kun permanente nga pabalik-balik an sakit han ulo ngan nakakaapekto na ha kinada adlaw nga kinabuhi hini
