TACLOBAN CITY — Nawuwurok an mga residente dati nag-uukoy ha no build zone nga gin relocate ha Northern baranggay ha siyudad han Tacloban kun diin hira mabotos yana nga maabot nga eleksyon.
Ini gihap an usa nga ginkikita nga rason kun kay anu may pira nga mga residente an ginpili nga diri la anay magparehistro.
Ha pakipaghimangraw han Bombo Tacloban kan Atty. Ma. Goretti C. Cañas, City Election Officer han Tacloban, ginpahayag hini nga waray daw angay igkalipong an mga botante nga na-relocate tungod nga mayda 2 nga pamaagi nga ira pagpipili-an.
Sumala kan Atty. Cañas, nga puydi an usa nga botante 1. mag apply hin transfer ha barangay kun diin hira na relocate ngan 2. pwedi gihapon nga magpabilin la anay ha dati nga barangay bisan ha luyo nga waray na nira didto balay.
