-- Advertisements --
TACLOBAN CITY – Naaraba na an pira nga mga Pinoy ha Italy tungod han duro kamapaso nga temperatura ha ira lugar tungod han nagpapadayon nga heatwave.
Sumala kan Mylene Bocar Bernas, Bombo International Correspondent ha Milan, Italy, ha pagkayana in naabot ha 38-42°C an temperatura ha ira lugar ngan haros waray hangin nga nasulod haira mga panimalay.
Mahitungod hini in nagawas na la hira ha kada kulop para magpahangin.
Ha pagkayana in yinukot-yukot na nga mga katawhan an namatay ha mao nga nasud tungod han mao nga heatwave.
Kasagaran han mga ini in mga kalagsan nga na-heatstroke o waray na umilob ha duro kamapaso nga panahon.
Nahibaruan nga waray naman naitatala nga Pinoy ha Italya nga naawatan hin kinabuhi tungod han mao nga heat wave.
