TACLOBAN CITY — Posible nga magkamayda hin mga aktibidadis ngan carnaval ha pira nga mga parasyadahan ha siyudad han Tacloban yana nga tidaraon nga kapatrunan han siyudad ha Hunyo 30 yana nga tuig.
Sumala kan Ronie Cornico, Executive Ass. III han Tacloban City Mayor’s Office, tradisyon na han siyudad an magkamayda hin sugad hini nga mga aktibidad sanglit deri pwede nga mawara an nakahiaraan na nga buruhaton han mga Taclobanon kun maabot na an kaptrunan.
Igduduso ngadaw ini han City Government nga mga aktibidadis basta deri magdamo o magkamayda hin surge han COVID-19 ha siyudad.
Pananglitan nga matabo an tradisyon nga buruhaton han siyudad in pagtitindugon an mga carnaval ha pareho la nga mga parasyadahan kun diin damo nga mga magtirinda an tutugutan nga makahigayon agud magtinda han ira tagsa produkto.
