NATIONAL–Ginkilala han Akbayan Party-List ngan Atin Ito coalition an gintatawagan nga “Kalayaan 16”, grupo hiton mga lokal nga opisyales tikang ha Kalayaan, Palawan nga ginbabawalan han China nga makabiyahe ha ira nasud.
An travel ban in ginpatuman mahuman nga gindeklara han konheso han Kalayaan kumo persona non grata an mga anay ngan presente nga embahador han Beijing ha Manila.
Sumala ha Chinese Embassy, an pitad in tugon ha resolusyon han Kalayaan municipal Council nga ginbabawalan ha Chinese envoy nga makasulod ha ira nasasakupan.
Han aga han martes, in gindayaw han Akbayan ngan Atin ito an mga opisyales hin West Philippine Sea Heroes Award kumo pagkilala ha ira maisog nga panindigan.
Ginmalatumat han mga lider han Akbayan nga an “Kalayaan 16” in simbolo han kamaisog ngan pagdedepensa ha soberanya han Pilipinas ha West Philippine Sea.
Mababaruan nga sobra 300 ka residente ha Kalayaan Island in nagpapadayon nga nangungukoy ngan ngapapakusog ha presensya han Pilipinas ha gin-aagawan nga teritoryo.
Ha kaluyo han travel ban, nagpapabilin nga determinado an mga local nga opisyal nga igdepensa an katungod han nasud ha West Philippine Sea.
Para kan Kalayaan Vice mayor Maurice Philip Alexis Albayda, yana in mas naaabat nira nga marasa magin Pilipino ngan igdepensa an ano man nga tinuod nga propyedad han nasud kontra ha mga langyawanon.
