Oobligahon an mga kumpansya han lana nga magin transparent ha paghitaas han presyo han produkto nga petrolyo.
Ini an iginduon ni Senator Erwin Tulfo nga co-author han Senate Bill 641, nga panuyo magpatuman hin mahugot nga transparensiya ha Philippine Downstream Oil Industry.
Gin malatumat han senador nga damo nga kababayan an nadaop ha iya ngan igindadaop premature hike ha presyo han lana ngan mayda pa pira nga gas stations an nagpahayag nga waray na hira suplay, pero baga-baga hin naghuhulat la hin mega price hike ha petrolyo.
Ha ilarom han panukala nga balaod, igmamandato han Department of Energy ha ngatanan han oil companies an pagsusumite hin “actual cost component” o an tinuod nga detalye han ira gastuson ha kada litro han petrolyo ugsa magdeklara hin dugang-presyo,
Hihimuon nga “automatic” an pagsusumite kun an average price han Dubai crude oil in umabot ha igintalaan nga presyo, basar ha Means of Platts Singapore (MOPS).
Gintagan-duon han magbabalaod nga kinahanglan na tuldukan an paningabot han pira nga oil companies ha mga external events ngan igpapasa naman han dugang presyo ha mga consumers.
