-- Advertisements --
TACLOBAN CITY – Ginkakalipay han mga negosyante nga Muslim ha syudad han Tacloban nga nakabawi hira ha ira mga negosyo han yana nga semana pagkahuman han eleksyon han Mayo 9.
Sumala kan Sultan Esmael Mesug, Vice President han Muslim Community ha Tacloban, tigda an paghitaas han ihap han mga customers ngan mamaralit tikang ha magkadirudilain nga mga lugar nga napakadi ha Tacloban.
Ini in dako naman nga bulig ha ira negosyo agud nga makabawi ha epekto han pandemya.
Ginpapasalamat gihapon han mga ini nga mas ginpahuruhukal na an mga restrictions ha syudad tungod nga nakakagius na an mga katawhan ngan nakakasulod-gawas na an mga mamaralit tikang ha iba nga mga bungto.
