TACLOBAN CITY — Nadugngan pa an mga naitala nga unpassable nga mga kalsada ha Leyte samtang ha inisyal nga danyos nga ginbilin han bagyo ha mga nagkaguguba nga mga kalsada ngan tulay, umabot na ha P592 M.
Sumala kan Engr. Toribio Udtohan, Engr III Section Chief Inspectorate han DPWH 8, naidugang an dalan ha Lemon-Leyte-Biliran road ha may Brgy.Palarao kun diin mayda nahipatik nga landslide.
Waray ngadaw magpakaagi an pira nga mga sarakyan ha mao nga kalsada matungod ha mga debris ngan mga tuna nga nagpanpan.
Ha pagkayana in nagdudumara na hin clearing operation an DPWH agud maabrehan na an mao nga dalan ha bisan ano nga oras.
Basar gihapon ha ira nakarawat ha mga Engineering Offices, pinakadako ngadaw an ginbilin nga danyos ha 5th district han Leyte kun diin umabot ini ha P470 M samtang ha Leyte 2nd in umabot ha P50 M an estimated restoration.
