NATIONAL – Ginduon ni Mamamayang Liberal o ML Party-list Rep. Leila de Lima nga dire pa matutudlok nga pirde an mga nagduduso han impeachment kan Vice President Sara Duterte.
Duon ni De Lima, may higayon pa an Kamara nga magpasaka hin motion for reconsideration ha desisyon han Korte Suprema nga nagdedeklara pagtalapas ha konstitusyon an impeachment case kontra kan Vice President Sara Duterte.
Baton ini ni De Lima ha pahayag ni Davao City acting Mayor Sebastian Duterte nga pirde na an mga nagduduso han impeachment kontra ha iya bugto sanglit kinahanglan karawton na nira an desisyn han Korte Suprema.
Naglalaum hi De Lima nga ha pamamaagi han motion for reconsideration para ha re-examination labi na ha material and crucial facts nga posible sayop an pagkaka-intinde han Korte Suprema.
