TACLOBAN CITY–Ginpaangbit nira Le John ngan Aira, mga artists ilarom hiton Moody Entertainment Corporation an ira mga inaabat kaluyo han pagdudumaraon nga Leyte Normal University (LNU) Concert 2026.
Ha pakikipaghimangraw ha Bombo Radyo Tacloban, ginmalatumat ni Le John, Presidente han nasabi nga korporasyon, nga maupay an iya nagin syahan nga impresyon han nasabi nga programa ngan ginpahayag nga naruyag hiya nga magbuhat hin performance mahitungod nga damo an namamati han iya mga kanta.
Samtang, ginpahayag naman ni Aira, nga nagin producer han nasabi nga concert han 2023, nga marisyo an iya nagin ekspeyensya kanit hine mahitungod nga nagkakamayada an usa hin pamilya ngan nakakadurot ine hin mga relayson ha mga magkalain lain nga talento nga napartisipar.
Mababaruan nga an kanta ni Le John nga “Naiilang” in umabot na ha purluminos 145-M ka streams ha Spotify, samtang umabot na ha purluminos 3.6-M ka streams ha kaparehas nga plataporma an iya kanta nga “Muse.”
Nakataalan naman an duha nga artists nga magbubuhat hin mga performances ha nasabi nga aktibidad niyan nga gab-i, ha LNU HRDC Multi-Purpose Hall, alas 6 hiton gab-i, yana nga adalw.
