TACLOBAN CITY – Gintugutan na an pagsusul-ot hin alternate uniform han mga teaching ngan non-teaching staff kun mapakadto ha iskuylahan.
Sumala kan Dr. Nilo Eder, Information Officer hiton Department of Education Tacloban City Division, basar ine ha DepEd Memorandum DM-OUHROD-2024-0662 dated April 11 nga ginpalusad hiton Department of Education kumo usa nga pamaagi han pag iban han kapaso yana nga hitaas hiton mga nahipapatik nga heat index ha nasud.
Subay ha nasabi nga kamanduhan, pwede gumamit an mga magturutdo hin bisan anu nga klase nga collared shirt nga gin gamit na hadto pa sugad han DepEd polo shirts nga Brigada Eskwela, Palarong Pambansa, Oplan Balik Eskwela, ngan Regional/ Division/ Schools Conference ngan iba pa.
Gintutugot gihapon an paggamit hin white polo shirt nga mayda DepEd ngan MATATAG logos.
Igin didire naman an pagpadis han nasabi nga mga bado ha jogging pants ngan leggings.
Kinahanglan nga igpadis ine ha matte black pants ha bisan anu nga klase hin tela, pwede gihapon igpadis ha slacks, jeans, ngan cargo pants.
