TACLOBAN CITY – Damo an maraot nga epekto ha lawas an maidududrot han mga basura kaupod na an sakit tikang ha hugaw han tawo ngan hayop.
Upod na ha mga makukuha nga sakit ha basura an cholera,typhoid fever ngan gastroenteritis.
An dumpsites in ginuukyan hin mga langaw,yatot ngan insekto na amo it nagpapasarang hin mikrobyo sugad han leptospirosis ngan pag uro uro.
Posible pa ngamagkahika an mga bata nga residente harani ha dumpsites.
An mga tawo nga mayda sakit ha baga in makukurian gihap ha paghinga mahitungod han malain nga baho han lugar.
An mga wati naman nga makukuha ha basura in pwedi sumakob ha aton lawas pinaagi han mga samad ha tiil o pagkaon hin mga kontaminado nga pagkaon.
An mga wati in nagiging parasites ha lawas ngan ginsusupsop ine an dugo ngan sustansya ha lawas han tawo.
Damo nga sakit ha panit sugad han galis,alipunga,pigsa ngan mga samad nga makukuha hapagkapot hin basura.
Makakaupay naman an paglikay ha mga mahuhugaw nga lugar para makalikay hin mga sakit.
