LOKAL–Dako an natala nga danyos han DORELCO ha mga lugar nga sakop hini matungod han pagtama han Bagyong Tino.
Sumala kan DORELCO General Manager, Chris Garcia, dako an danyos nga ira na-record particular na ha Abuyog, Mahaplag, Mac Arthur kun diin damo nga poste an nagkaturumba
Mababaruan naman nga bago han bagyo, nagdumara hira hin clearing operation, pero may nahitabo la gihapon nga diri ginlalauman nga danyos sugad ha Javier kun diin maydada usa nga puno hin manga nga sumandig ha linya.
Ha pagkayana, tikadto naman hira ha Abuyog ngan MAcArthur para magkatitindog an mga poste ha Abuyog tikadto Silago.
Dugang pa hini, magbuburugligay an mga linemen tikang ha mga kooperatiba in pag-restore hin kuryente ha mga bungto.
Gin-eksplikar ni Garcia nga uunahon anay nira an mga backbone lines para magkakuryente na naman ha mga LGU ngan ospital nga mga key center han Negosyo ngan governance.
Nanawagan naman hiya ha mga nasasakupan han kooperatiba hin pasensiya in pag suplay hin kuryente ha ira mga panimalay.
