TACLOBAN CITY — Pormal na nga igindeploy an 8 nga mga linemen han Eastern Samar Electric Cooperative (ESAMELCO) ha mga lugar nga duro nga nadarahigan han supertyphoon Rolly.
Sumala kan Atty. Edwin Amancio, General Manager han ESAMELCO, nga an tanan nga mga kooperatiba ha rehiyon 8 in nagbugos hin grupo nga gintawag nga Power Restoration Rapid Deployment Task Force nga mabulig ha Albay Electric Cooperative ngan iba pa nga kooperatiba ha restorasyon han mga nagkaguguba nga mga linya han kuryente tungod han naglabay nga bagyo.
Magpapabilin naman ha ira mga deployed areas an mao linemens ha sakob hin 14 ka adlaw.
Dugang pa hini nga ini in usa nga oportunidad na gihapon han mga taga rehiyon 8 nga makabulig ha mga lugar nga bumulig ha aton dida han panahon han supertyphoon Yolanda.
