-- Advertisements --
TACLOBAN CITY – Mas pinahugot han mga kapulisan ha rehiyon an ira pagdumara han COMELEC checkpoints kadungan han pagtitikang han election campaign period para han mga local candidates ha tidaraon nga piniliay yana nga Mayo 9.
Sumala kan Pol. Lt. Col. Maria Bella Rentuaya, tagapagyakan han Police Regional Office 8, ha ira gindumara nga intensified checkpoint kanina in waray naman naitala nga untoward incident.
Nagkaada naman hin augmentation an Police Regional Office 8 ha pira nga mga lugar ha Samar para ha pagmentinar han seguridad ha nagtitikaharani nga eleksyon.
Nahibaruan nga ha pagkayana in waray pa may ginpagawas o gintudlok nga areas of concern an COMELEC kaparte han maabot nga piniliay yana nga Mayo.
