-- Advertisements --
TACLOBAN CITY — Nangangaro hin kooperasyon ha publiko an mga kapulisan ha Tacloban para hiton peace and order labi na nga nagdadaramo na an mga katawhan nga nagkakaabot ha siyudad.
Sumala kan PCapt. Concas Castello, Station Commander han Police Station 1 San Jose, mas nakatutok ngadaw ha pagkayana an mga otoridad ha dowtown area han siyudad matungod hiton kadamo han mga katawhan.
Dapat ngadaw magburublig an ngatanan agud makab-ot an kahapsay ngan kamurayawan han usa nga lugar.
Labot la hini, nagpahinumdom gihapon an mao nga opisyal ha mga kag-anak nga bantayan an tagsa anak agud deri mainvolve ha mga riot ngan magraot nga panhitabo.
