-- Advertisements --
ENTERTAINMENT – Ginsita han mga kapulisan ha southern India an singer nga hi Ed Sheeran mahuman nga ig-surprise an mga fans ha usa nga live performance.
Aada ha Bangalore City an four-time Grammy singer han magdesisyon ini nga mag-busking o kumanta ha karsada hirani ha simbahan.
Samtang aada ha kabutngaan han iya pagkanta han iya hit song nga “Shape of You” in umulpot na an mga kapulisan ngan ginhugot an cable han microphone ngan an gitara hini.
Sumala ha mga kapulisan nga ira na ginbaribad an pangaro hin permiso ni Sheeran nga kumanta ha kakarsadahan matungod nga magdudurot ini hin dako nga trapiko ha lugar.
Manunumduman nga dida han nakalabay nga tuig in nasold out dayon an iya concert ha Mumbai.
