INTERNATIONAL – Patay an usa nga tawo ngan upat an samaran mahuman magkabunggoay an duha nga eroplano hirani ha Scottsdale Airport ha Arizona.
Sumala kan Scottsdale Fire Capt. Dave Folio, nakit-an han mga rumesponde nga bumbero an usa nga tawo nga patay ha ira pagulpot ha lugar han aksidente.
Upat naman an nasamaran kun diin, duha iton aada ha kritikal nga kondisyon nga dayon naman nga gindara ha ospital, samtang an usa in waray pa detalye ha ira kondisyon, ngan usa naman an bumaribad liwat nga magpatambal.
Sumala kan Kelli Kuester, spokesperson han paluparan, nagkamayda hin problema ha landing gear han usa nga eroplano ha pagulpot hini ha airport nga kun diin, nakagdara ini hin aksidente.
Samtang, sumala ha Federal Aviation Administration, nga lumihis ha runway an usa nga Learjet 35A mahuman ini nga mag-landing ngan aksidente nga nabangga hini an usa nga Gulfstream 200 business jet rason han aksidente.
