TACLOBAN CITY – Padayon an gindudumara nga mahugot nga monitoring han Leyte Provincial Health Office ha pira nga mga lugar ha probinsya nga ginkokonsidera nga hotspot areas han COVID-19.
Sumala kan Dr. Lesmes Lumen, Leyte Provincial Health Officer, ginmanduhan na an mga alkalde ha mao nga mga lugar nga tutukan an ira tagsa tagsa nga areas agud nga malikayan an pagka-ada hin community transmission.
Samtang, ginpahayag naman hini nga hapagkayana in nagpatuman la anay hin moratorium ha pagpanguli han mga LSI ngan returning residents ha Leyte.
Manunumduman nga duwa nga bungto la ha Leyte an gin aprubaran han RIATF nga magpatuman hin moratorium pero ini in ginbugos nala nga probinsya han Leyte mahuman nga magrequest gihapon an iba nga mga bungto hin moratorium.
