TACLOBAN CITY — Nanawagan an tagmangulo han Bureau of Fisheries and Aquatic Resources (BFAR) Region 8 nga ig-undang na an pagdiscriminate ha tanan nga mga empleyado han buhatan.
Una hini in naka-eksperyensya hin diskriminasyon an pira nga mga empleyado han BFAR mahuman nga may usa nga nagpositibo nga ira staff.
Sumala kan Dr. Juan Albaladejo, Regional Director han BFAR Region 8, waray kamatooran nga nagkakalat na an coronavirus ha bugos nga ira opisina.
Pagklaro pa niya nga diri ha sakob han ira opisina makuha han mao nga nagpositibo an virus kundi didto mismo ha ospital kun diin hiya in napakadto pagpacheck-up.
Dugang pa han mao nga opisyal nga nagdumara na hin contact tracing ha mga empleyado han BFAR region 8 ngan tanan han mga ini in nag negatibo ha mao nga virus.
