TACLOBAN CITY – Nadugngan pa an mga biktima han Supertyphoon Yolanda nga nagback out o nagwithdraw ha housing project han gobyerno para ha ira.
Ini in mahitungod han kahadlok han kadam-an nga makompromiso an seguridad nira ha pag-ukoy ha mao nga pabahay.
Mahibabaruan nga pira nala kaadlaw san-o an anibersaryo han bagyo Yolanda, in mayda na liwat pipira nga mga benepisyaryo tikang ha Balangiga Eastern Samar an nagback out ha mao nga government shelter program kun diin sumala ha ira mas importante an ira katalwasan ngan seguridad han ira pamilya.
Iginduduon han mao nga mga benepisyaryo nga waray la gihapon pinagbag-o an straktura ha pagtindog ha mao nga mga balay kun diin gintutuuhan nga mga substandard nga mga materyales an gingagamit hini.
Mahinunumduman nga naging sentro hin kontrobersiya an contractor han mao nga pabahay nga JC Tayag Builders kun diin mga substandard daw an mga units nga igintindog.
