-- Advertisements --
TACLOBAN CITY – Nangangandaman na an mga barangay ha syudad ha Tacloban partikular na ha mga coastal areas kasumpay han ginlalauman nga pagpadayon han clearing operations o demolition han mga nasasalin nga mga panimalay ngan mga struktura ha No Build Zone Areas ha syudad.
Sumala kan Omar Go, kapitan han Brgy. 56-A Magallanes Tacloban, maabot pa ha lima nga pamilya an nagpapabilin ha No Build Zone area ha ira barangay pero iya na ginpasabot ha syudad an rason kun kay-ano nga waray pa an mga ini magpakabalhin.
Dugang pa hini nga nagpapamulat pa an mao nga mga residente matagan hin pabahay nga ira pagbabalhinan.
Ginpatapod naman han syudad nga posible nga ha maabot nga Setyembre in maibabalhin na an mga ini ha igraraffle nga resettlement site.
