TACLOBAN CITY– Ginpahibaro han City Tourism Office ha publiko, nga nakatalatag na an mga aktibidadis para ha pagdudumaraon nga kapatrunan han Tacloban.
Sumala kan Malu Tabao, Head City Tourism Tacloban City, nga kinada tuig in nagseselbrar an syudad han kapatrunan, kun diin gintatawag ine nga Month long-celebration, ngan magkalain-lain nga aktibidadis an gin-andam agud nga magin mas marisyo an kapiyestahan.
Ginpaangbit naman hine, nga pagdudumaraon an Parade of Light ha petsa 29, kun diin ada ha 14 o 15 nga mga partisipante an naki-usa ha mao nga parada.
Magtitikang naman an Parade of Light, ala-una hiton kulop an ira call time, para hiton mga preparasyon ngan possible alas 5 o alas 6 hiton pagsirom, magtitikang an nasabi nga parada agud nga ma-highlights an ka-anyag han mgan ginhimo nga floats.
