Nagpahimatngun hi Tacloban City Unified Motorcab For Hire Drivers and Operators Association President, Edgardo Waniwan nga dire maningabot o mag-overcharge an mga MCH drivers ha mga pasaheros nga mapakadto ha Sangyawan Grounds.
Sumala kan Waniwan nga makakag-kawsa lugod ini hiton pagdire han mga pasaheros nga sumakay hin tricycle mahitungod ha dako nga sukot ha pasahe nga makakag-papurdoy lugod ha tanan nga mga MCH drivers.
Dugang gihapon hini nga mapapahamtangan gihapon hin multa an driver nga mapapamatud-an nga nago-overcharge ha pasaheros ngan iton mga nansisingabot mahitungod nga gab-i na kun diin, kinahanglan magdugang hin pasahe an manarakay.
Sumala hini nga aada ha P12 an minimum, pero madepende nala kun mayda dara an pasaheros ngan kun pira iton saragbot ha butnga hini ngan han driver agud magin hapsay iton pagbiyahe.
Samtang, ginlalauman naman nira nga mas madamo pa iton buylo han mga pasaheros labi na yana nga tiaarabot iton kapatronan han syudad, kumpara han mga nakalabay nga mga bulan.
