-- Advertisements --
TACLOBAN CITY — Ginpanhimuwa ni Tacloban City Mayor Christina Romualdez an alegasyon nga nakakarawat hira hin P1-Million pesos tikang ha mga muslim organization.
Ini in mahuman nga may kumalat nga mga text message nga nakarawat hin maabot P1-M pesos an city government tikang ha mga organizers nga muslim para makapagpatindog hin mga baratilyo ha siyudad.
Ginpahayag naman ni Tacloban City Mayor Christina Romualdez, nga waray kamatooran an mao nga alegasyon.
Sumala ha alkalde nga may ginbabaydan an mga magtirinda han baratilyo ha kakarsadahan han siyudad pero ini daw in diri maabot ha Php1 million pesos ngan umagi ha sakto nga proseso.
Pamatian ta an pamahayag ni Tacloban City Mayor Christina Romualdez bahin han mao nga isyu:
