TACLOBAN CITY – Ginkumpirma ni Palo Mayor Anne Petilla nga may-ada na local transmission han COVID-19 ha ira bungto.
Sumala kan Mayor Petilla, ini in mahuman nga may magpositibo an usa nga 61 anyos nga lalaki ngan nahitapnan naman hini an iya 29 anyos nga anak.
Nahibaruan nga an mao nga mga indibidwal in waray travel history ngan waray gihapon close-contact ha mga positive patient, LSI o OFW.
Ha pagkayana in naka-admit na ha Leyte Provincial Hospital an 61 anyos nga positive patient samtang nagpapabilin ha Isolation Facility han LGU an iya anak.
Padayon naman an ira gindudumara nga contact tracing ha mga indibiduwal nga ginkahibalag han mao nga mga nagpositibo.
Nanawagan naman an mao nga alkalde ha iya nasasakupan nga diri mag panic lugod in padayon nga magsunod ha mga ginpapatuman nga health protocols kontra COVID-19.
