TACLOBAN CITY– Ginkondina han alkalde han Ormoc City, an natabo nga shooting incident han nakalabay nga adlaw kun diin ginpamumusil an kapitan ha Brgy. Alta Vista, Ormoc City.
Sumala kan Mayor Lucy Torres Gomez, han Ormoc City, nga usa nga dire sadang pasagdan an sugad nga panhitabo, matungod nga waray lugar adton mga tawo nga karuyag manguba ha repotasyon ha mao nga syudad.
Ine an nagin pahayag han alkalde hiton Ormoc City, kadungan han pagsalin-urog han Adlaw hiton Kagawasan.
Mababaruan, nga ginkompara hine an kabutang han Ormoc City, hadton dire pa hira an nalingkod nga mag-asawa kumo tagmangulo han nasabi nga lugar.
Ginmalatumat hine nga an Ormoc City. in usa na nga lugar nga mahimyang ngan dire angay mahadlok adton mga opisyales han kada Barangay, matungod nga hira an may kapas ha nasabi ngan manindugan ha ira ginsumpaan nga posisyon.
