NATIONAL – Gin pirmahan na ni Mayor Francisco ‘Isko’ Moreno Domagoso ha syudad han Maynila an usa nga ordinansa nga naghahatag hin ‘general tax amnesty’ ha bug-os nga bungto han syudad.
Mahitungod hine in waray na aaruon o igbubutang nga penalty, surcharges, ngan interes ha mga waray pa kababayari nga city taxes, fees ngan regulatory charges kutob ha maabot nga Disyembre 31, 2025.
Sakop ha gindeklara nga tax amnesty program, an ngatanan han anuman nga klase han ‘unpaid’ business taxes, delinquent real property taxes, ordinance violation receipt (OVRs), regulatory and service fees ngan local transfer taxes ha Maynila.
Sumala kan Mayor Isko, ine in agud makaghatag hin bulig ha iya nasasakupan nga nagkukuri yana an kinabuhi mahitungod ha mahinay nga negosyo.
Pero kun mahuman na an gintalaan nga ‘amnesty period’, an City Treasurers in pwede na magpadayon ha ira public auctions ngan iba pa nga civil remedies ha mga unsettled tax delinquencies.
