PRAGUE, CZECH REPUBLIC – Ginklaro han Ministry of Justice han Czech Republic nga waray bisan ano nga extradition proceedings kontra ha anay Ako Bicol party-list Representative nga hi Elizaldy “Zaldy” Co.
Ha paghisgot nga ginganap dida han Abril 27 ha Prague, Czech Republic, kaupod an delegasyon han Pilipinas nga ginpangunahan ni Acting Justice Sec. Fredderick Vida, ginmalatumat han kampo han Czech nga waray hira nakarawat o naisumite nga pormal nga extradition case kontra ha bisan hin-o nga Filipino citizen.
Sugad man, nagkasarabot an duha nga kampo nga pag-hisgotan an posibilidad han pagbug-os hin usa nga bilateral treaty para ha mas pinakusog nga police cooperation ha butnga han Pilipinas ngan Czech Republic.
Siyahan na nga ginpaangbit han Department of Justice nga waray na hi Co ha kustodiya han Czech authorities ngan gintutuohan nga gumawas ini han nasud ngan posible kumadto ha France agud umaro hin political asylum.
Samtang, ginmalatumat naman han Philippine Center on Transnational Crime nga padayon an koordinasyon hini ha international counterparts ngan ginpapaghisgotan an posible nga paghangyo han Interpol red notice agud matudlok ngan madakop an pugante nga hi Co.
