Ginkilala hi San Miguel Leyte Muncipal Mayor, Atty. Norman Sabdao kumo usa ha mga Top Performing Mayors ha probinsya han Leyte basar ini ha 2025 Governance and Participation Index.
Nakakuha hin ranggo nga Top 7 hi Mayor Sabdao nga may-ada outstanding score nga 89.30%.
An pasidungog in basar ha epektibo nga pagmamangulo ngan pagpaparibhong han San Miguel Leyte kaupod an iba pa nga tinaglawas han munisipalidad agud makag-hatag hin dekalidad nga serbisyo publiko ha molupyo .
Ha lain naman nga bahin nakakarawat gihapon an San Miguel Leyte hin Seal of Good Finance Housekeeping, ini in mahitungod ha maupay nga paggamit han budget han publiko nga igkaka-uswag han lugar.
An Seal of Good Finance Housekeeping ngan Good Local Governance nga nakuha gihapon ni Mayor Sabdao an nagin basaranan han Pulse Asia survey ha Sinirangan Bisayas agud matudlok an mga mayor ha probinsya nga nagmamangulo nga tangkod ngan mayda transparensiya.
