Mayor han McArthur Leyte nagpahayag nga waray pa hiya katugutan ha gindudumara nga pagmimina ha ira bungto

TACLOBAN CITY – Ginpahayag han Municipal Mayor han McArthur nga waray pa hiya may ginpipirmahan nga natugot hiya han pagmina ha ira bungto.

Ine in may paghisumpay han gumawas nga Open Letter tikang ha simbahan nga naghahangyo nga igundang an pagmimina ha ira bungto matungod ha maraot nga epekto hine.

Sumala kan Mayor Roden Babante han McArthur Leyte,nga nagsaad naman ha iya an mga kompaniya nga magmimina nga ira anay igrerehab an mga buho-buho nga ginbayaan han una nga mga nagmina.

Hapagkayana in nagsasampling pamanla daw an mga minero ha ira bungto ngan waray pa magtikang pagmina.

Nanawagan naman ine ha mga nagpopost hin lapos ha social media nga panginanuon anay an kamatooran san-o ine igpagawas.