TACLOBAN CITY – Positibo an alkalde han Hilongos nga magiging matinud-anun han mga Kabug-utan nga Muslim tikang han ira patapud nga masuporta ha nagpapadayun nga Police investigation han pambobomba han mao nga lugar.
Ini an naging reaksyon ni Hilongos Mayor Albert Villahermosa subay han pakipaghimangraw han Bombo Radyo Tacloban tikang han ginbuhat nga Diyalogo han mga Muslim ngan sugad man Opisyal han mao nga lugar.
Naghihingyap hi Mayor Villahermosa nga magkakamay-ada an mga ini hin Interes ha pagkakamay-ada hin Kamurayawan han mao nga lugar.
Nagtutuo hi Mayor Villahermosa nga diri matatabo an pagbobomba kun waray bumulig ha ira partikular ma an mga Muslim Community.
Nanawagan naman ini nga makipagkoordina ha ira ingkaso nga magkamay-ada anuman la nga impormasyon agud nga madakop an mga Suspetsado.
Manunumduman nga dida han nakalabay nga Disyembre 28 in natabo an Kambal nga pagbobomba ha Hilongos, Leyte nga kun diin ginatos gatos an nasamaran.
Sumala naman kan PCINSp Alberto Renomeron, Hepe han Burauen Police Station, nga mga miyembro han Maute Groups an mga Suspetsado pero diri pa nira maihahatag an mga Identipikasyon han mga ini.
Padayun liwat an panguha hin kadugangan nga mga ebidensya para han ikasosolbar han mao nga Kaso.
