TACLOBAN CITY – Nakatalaan daw nga pagbuhaton an mass wedding han same-sex couples ha Sinirangan Bisayas ha kaluyo han mahugot nga diri pag-abuyon han Romano Katoliko.
Mababaruan nga an EnGAYged, usa nga komunidad han lesbians, gays, bisexuals ngan transgenders (LGBTs) in
nagpasamwak nga kutob nala an pagparehistro han mga interesado nga magpadis hasta ha Hulyo 3.
Sumala kan Rev. Crescencio Agbayani Jr., union celebrant ngan founding pastor han LGBTS Christian Church Inc. nga nakabasi ha Quezon City tikang pa dida han tuig 2012, nga nakaatalaan nga pagbuhaton an same-sex marriage ha tiarabot nga Hulyo 15 ha syudad ha Tacloban.
Naglalaum naman hi Rev. Agbayani nga magpapabilin nga positibo an maggiging resulta han oral argument han Korte Suprema may kalabutan han patas nga pagpapakasal ha Pilipinas.
May kalabutan hini, guinpahayag ni Palo Archdiocese priest Virgilio Cañete nga nagkikitaduro la an isyu han same sex marriage ha nasud.
Guinduon naman hini nga ha ilarom ha doktrina han simbahan, nakahipatik nga an kasal in guinbubuhat la ha butnga han lalaki ngan babaye ngan diri para ha mga magpadis nga may pareho nga kinatawo.
