-- Advertisements --
NATIONAL – Papadig-unon han Department of Finance an regulasyon ha online gambling, kaupod an pagdidire ha mga tinaglawas han gobyerno ngan mga indibidwal nga waray pa 21-anyos nga umapi hini.
Kaupod gihapon ha plano an pagdidire ha mga government-owned-and-controlled corporations GOCC nga mag-invest ha mga online gambling company.
Kikitaon han DOF an P1 bilyon nga investment han GSIS ha DigiPlus, ngan ginsigurado nga waray investment an Maharlika Investment Fund ha online gambling.
Ginstu-studyohan gihapon han ahensya an pagpapahitaas han buwis ha industriya, tikang 25% kutob 45% han gross gaming revenues.
Magkakamayda gihapon hin summit agud pag-hisgotan an mga isyu ha pamamaagi han whole-of-government approach.
