-- Advertisements --
NATIONAL – Mahuman an groundbreaking han Caticlan Passenger Terminal Building ha Caticlan Airport ha Aklan, madiretso hi Pres. Ferdinand Marcos Jr., ha Palawan yana nga adlaw para panginanuon an Malampaya gas project area ha pamamaagi han fly by.
Sumala ha presidente, ha presente in may ginbubuhat hira nga drilling ha Malampaya para ha padayon nga pangita hin oil resources ha lugar.
Ginmalatumat han presidente, nga kaparte ini han paningkamot nga makabiling hin suplay hin lana agud maparig-on an reserba nga lana han nasud.
Nauna na nga ginyakan ni Energy Sec. Sharon Garin nga mayda iba pa nga oil exploration gna ginhimo han nasud ha iba pa nga lugar ha Pilipinas.
