NATIONAL – Ginpanhimuwa han Malakanyang an alegasyon ni anay Presidente Rodrigo Duterte nga ginkawat ngan ginbaligya na ni Presidente Ferdinand Marcos Jr. an gold reserves han nasud.
Ha press briefing ha Malakanyang, gintagan-duon ni Presidential Communications Office USec ngan Palace Press Officer Atty Claire Castro nga an Bangko Sentral ng Pilipinas an naghihipos ngan nanginginano ha gold reserves han Pilipinas, ngan bisan sano daw in waray ine pakialami han presidente.
Gin pahayag ni Castro, nga baga-baga hin waray nagsasagdon kan anay Presidente Duterte nga regular activities han BSP an pagbabaligya han gold reserves agud makabaton ha exchange requirements han Pilipinas.
Subay pa ha opisyal, ha kamatuuran dida han 2024, umabot pa ha 106.3 billion USD an gross international reserved (GIR) han Pilipinas, tikang ha PhP103.8 billion USD dida han 2023.
Pagsigurado pa naman ni Castro, dire tutugutan han gobyerno nga magpadayon an pagpasarang hin mga sayop nga impormasyon an kampo ni Duterte sanglit nga babatunon han Malakanyang an mga sugad nga pahayag, agud mapahibaro ha publiko kun anu an sakto ngan tinuod nga impormasyon.
