NATIONAL – Ginbatikos ni Department of National Defense (DND) Secretary Gilberto Teodoro Jr. an Chinese Communist Party mahitungod ha padayon nga pambabastos hine ha nasud.
Ginbuhat ni Teodoro an pahayag, kadungan han iya pagbisita ha Wallace Air Station ha San Fernando City, La Union.
Sumala pa kan Teodoro, klarado nga ginbabaliwaray han China an mga international law kadungan han padayon nga panha-harass ha mga gudti nga nasud sugad han Pilipinas.
An ira ‘expansionism’ o pirit nga pagpapadako han ira teritoryo, kaupod na an pagbaliwaray ha seguridad han mga barko ha West Philippine Sea, in abri ha bug-os nga kalibutan ngan nakikit-an han kada nasud nga nasasakupan han Asia-Pacific Region.
Syahan na nga ginbatikos han DND Secretary an delikado nga pagmamaniobra han Chinese air asset ha Bajo de Masinloc kontra ha Bureau of Fisheries and Aquatic Resources authorities.
